Ua amata ona faagasolo polokalame o faafiafiaga e sami ai le aulia o le 60 tausaga o le tatou Tutoatasi, e pei ona sa tatala i pesepesega faaleagaga na faia i le maota o Tupulaga o le Ekalesia Faapotopotoga Kerisiano Samoa i Mulinuu i le po o le Aso Sa muamua o lenei masina fou o Setema, lea sa faatumulia i taitai o le Malo ma le mamalu o le atunuu na auai.
O le Aso Gafua lenei ua faagasolo ai faleaiga ma faaaliga o meataulima faapea taaloga mo le fanau, i le nuu o sauniga faaleaganuu a le pulega o tagata tafafao i le eleele fou le cultural village, ae o le afiafi o siva faamalositino e saunia e le matagaluega o le soifua maloloina, sosoo ai ma le tauvaga o siva faa-Samoa i mauluulu, o sasa ma faataupati.
O le vaega mo faafiafiaga ma isi sauniga ua mae’a fausia i le malae o le Matagialalua Friendship Park i tuāmaota o le Malo i le eleele fou e faia ai lea tauvaga i le po muamua o polokalame o faafiafiaga o le 60 tausaga o le tutoatasi.
| Aso Lua, 06 Setema Upolu Aso Atoa Savaii 8.00am – 9.00am 9.00am – 11.00am 12.00pm | Faleaiga ma Faaaliga meataulima & Taaloga mo fanauiti. Polokalame Aloāia o le Tutoatasi mo Savaii Savali Faaaloalo i Savaii Faafiafiaga Faasamoa Taumafataga o le aoauli | Samoa Cultural Village Don Bosco Salelologa |
| Aso Lulu, 07 Setema Aso Atoa 9.30 am – 12.30 pm 5.00 pm – 6.00pm 7.00pm | Faleaiga ma Faaāliga meataulima & Taaloga mo fanauiti. Taaloga Faa-Samoa ma Taaloga mālie (Taamilosaga faaiu) Matagaluega o le Soifua Mālōlōina – Polokalame Faamalositino Tauvaga Siva Samoa Mauluulu / Sāsā / Faataupati (Po Muamua) | Samoa Cultural Village Samoa Cultural Village Main Stage, Event Space Main Stage, Event Space |
| Aso Tofi, 08 Setema Upolu Aso Atoa 9.00am – 2.00pm 7.00pm | Faleaiga ma Faaaliga meataulima & Taaloga mo fanauiti. Faafiafiaga Faaleaganuu – Polokalame Aloaia Faafiafiaga Suifefiloi Faleaitu | Samoa Cultural Village Samoa Cultural Village Main Stage, Event Space |
| Aso Faraile, 09 Setema Aso Atoa 9.30am 10.00am 7.00pm | Faleaiga ma Faaaliga meataulima & Taaloga mo fanauiti. Solo Tele o Taavale Teuteuina Laugatogi Koneseti Tele a le Punialavaa | Samoa Cultural Village Amata mai le Auala Simā Uamea i Vaisigano Stage, Event Space Main Stage Main Stage |
| Aso Toonai, 10 Setema 7.00pm | Tauvaga Tausala o Samoa | Fale Taalo #1, Tuanaimato |
