Ua le fiafia pisinisi Northland i ripoti ua toe sau nei o lea lava na sa’o pepa faamaonia na o atu ma tina mai Aukilani a o lea na lockdown ai mo le 11 aso.
I faamaoniga ua toe maua nei e leoleo ina ua suesueina ua iloa ai o lea lava na sa’o pepa na faailoa e tina toatolu lea na o i Northland, ma ua le faasalaina ai.
O se tala ua faaalia ai e le peresetene a le Northland Chamber of Commerce i tala a le leitio a Niu Sila, Tim Robinson le faanoanoa o pisinisi ona o le auala na suesueina ai lenei mataupu ma aafia ai ma pisinisi ona o sā na iai a o lea na malaga atu lava tina ma pepa ua mae’a ioeina atu e se tasi o matagaluega a le malo.
O le isi itu e le o faigofie i pisinisi o le lē fia faamaualalo o le minisita o le Koviti Chris Hipkins sa iai i lea taimi, pei ona tu malosi ai le minisita ananafi o lea lava foi na fetaui le lockdown na faia ma le maualalo o le fuainumera o tagata Northland ua uma ona fai o latou tui.
E ese mai le lockdown ua alu ai le tusa ma le $23 miliona, ua faasese ai nei e faaiuga o nei suesuega tala a le minisita na faia faasaga i tina e toatolu e sese pepa faamaonia na o ma latou, le faitaulia ai ma le tele o tala faifai na faia faasaga ia i latou nei.
