O se vaega o le fesoasoani faaauau a le malo i tausaga taitasi mo faalapotopotoga tuma’oti ina ia saga faamausalī ai faiga faapaaga a le malo ma ia faalapotopotoga o le auga lea o le foai ua taulimaina e faalapotopotoga e 10. 

E $250,000 tala le tino i tupe ua faasafua atu i nei faalapotopotoga i le amataga o lenei vaiaso i sui o faalapotopotoga e 10 ma o le afioga i le Minisita o Pisinisi, Alamanuia ma Leipa, Afioga Leatinuu Wayne Sooialo sa tauaaoina atu nei fesoasoani tāua. 

Na fautuaina ai foi faalapotopotoga ua agavaa i le foai ina ia saga mauaa feagaiga ma faiga faapaaga a le malo ma i latou nei auā le saga unai o le tamaoaiga o Samoa i tulaga tau faalauiloa. 

O faalapotopotoga e 10 e aofia ai: 

1) Samoa Chamber of Commerce & Industry Inc. – $50,000.00 

2) Women In Business Development Inc. – $45,000.00 

3) Samoa Association of Manufacturers and Exporters 

Incorporated – $40,000.00 

4) Samoa Hotels & Hospitality Association Inc. – $35,000.00 

5) Business of Salafai Association Inc. – $25,000.00 

6) Samoa Federated Farmers Inc. – $20,000.00 

7) Savaii Samoa Tourism Association – $10,000.00 

8) Samoa Mamanu Designs & Manufacturers Association – $5,000.00 

9) Samoa Information and Technology Association – $15,000.00 

10) Tautai Samoa Association – $5,000.00