A o pisi ai i tapenaga o le Kerisimasi ma tafaoga, ua toe valaau mai i tagata e lei faia tui o le booster e agai e fai tui.

E tusa ma le 1 miliona tagata e agavaa i le booster ua faamautinoa mai e le soifua maloloina e lei faia o latou boosters muamua, ae 800,000 tagata e agavaa i le booster lona lua e lei faia.

O le booster lona lua lenei o loo agavaa ai tagata ua 50 tausaga agai i luga faapea ai tagata Maori ma Pasefika ua silia ma le ta’i 40 tausaga le matutua.

Mai tagata suesue faapitoa o se augani ua sau ai a o toe alu i luga le fuainumera o tagata ua toe maua i le Koviti, ma e le gata mo puipuiga ae sei fesoasoani ai foi i le toatele o tagata e taofia i falemai.

E ese mai i le tui, o loo toe sau ai foi ma le talosaga e tapena i rapid antigen tests poo RATs atoa ai ma ufifofoga.