O le faavae ai o le vaega faaupufai o le Faatuatua i le Atua Samoa ua Tasi, ma saili ni ona sui tauva mo le palota tele a le atunuu ia Aperila o le tausaga 2021, o le afioga Fonoti Limu Menefata Toso Asiata, o se tasi o sui faatu mo lea faiga filifiliga a le atunuu mo le taimi muamua ina ua faatu ai lea pati faaupufai.
Na tauva o ia mo le nofoa o le itumalo o Anoamaa Numera Tasi peitai e lei manuia.
O le vaiaso nei na faamavae atu ai ona aiga, o ana fanau, o ana uo ma aumea mamae aemaise o lana vaega faaupufai i lea tamalii na valaau iai lona Matai i le aso 18 o le masina na tea nei o Oketopa.
O ona toe sauniga na faia i le malumalu o le Ekalesia Faapotopotoga Kerisiano Samoa i Faleapuna ma lagomau ai i lona aiga.
Le Susuga Papalii Li’o Oloipola Ta’eu Masipa’u, o se tasi o faipule o le vaega faaupufai o le Faatuatua i le Atua Samoa ua Tasi i lana molimau i toe sauniga o le Afioga Fonoti Limu Menefata Toso Asiata, lea e tuumalo ua 78 tausaga o lona soifua.
