Ua lipotia e le RNZ Pacific i le vaiaso nei le faamauina o le gau e $4.72 miliona tala Samoa a le Iunivesite Aoao o Samoa i le tausaga faaletupe na sei mavae atu nei.
Fai mai le tusitusiga o le lipoti faaletausaga ua faalauiloa mai ma ua agina ai lea tulaga ma mae’a foi ona tuuina atu i le Palemene o Samoa.
Fai mai le lipoti e ui i le tele o le mau luitau sa feagai a o taumafai le fuafuaga poo le corporate plan lautele ae sa mafai lava ona ausia mea na ave iai lana faamuamua, priorities.
Taua i le lipoti e le susuga i le sui faaao o le iunivesite Aiono Alec Ekeroma e tele tapenaga ma le taimi sa faaalu i le faatinoina o mea e manaomia mo le faaleleia atili o le iunivesite.
Ma ua fuafua ia oo atu i le isi piliota e toe tuuina mai ai se lipoti o le tulaga o poloketi mo le faaleleia o le Iunivesite, ua iai se suiga o tulaga ma le fuafuaga ua toe fetuunai a le Iunivesite le revised NUS Corporate plan.
