E to’alua alii ua molia i le faaoolima i leoleo ofu savili, leoleo e lē o faigaluega, i se tasi o magāala pisi i Sini na mana’omia ai le faia o ni galuega lavea’i i se tasi o malu o le malo.
Na logoina leoleo o malu o le malo e to’alua ua aafia e ta’i 25 tausaga le matutua na aga’i ese mai ma se koneseti i Newtown ae tau mai ai i ni alii se to’atolu o loo aofia i se feeseesea’iga i Enmore Rd poo le ta o le 11 i le po o le Aso Lulu.
O loo feta’ua’ina na faaoolima ai i latou ia i leoleo ia e to’alua ma e fai si tigaina o manu’aga o le isi ma o loo i le falema’i pea e oo mai i le taeao analeila.
Ua pu’e e leoleo se alii e 18 tausaga ma le isi e 20 tausaga mai se fale i Mascot i le aoauli ananafi.
O le taeao nei ua faailoa mai ua molia i laua ia i le faaoolima, e le’i taliaina le tatala i tua ae e tutula’i i le asō i le faamasinoga i Downing Center.
E to’atasi o loo tau sa’ilia pea ma ua faafetaia e leoleo molimau na fesoasoani ane i le su’esu’ega ma o loo vaavaai nei leoleo i ata a le CCTV mo se fesoasoani i le latou galuega.
Puna o Faamatalaga: https://www.9news.com.au/national/newtown-assault-off-duty-officer-attacked-sydney-road/d9542900-c89b-4245-8574-05412d69e777
