Ua faamaonia mai e le NSW Ambulance e toalua tagata na aveina atu i le falemai mo togafitiga ina ua mae’a se faalavelave na fetoai ai ai se tram ma se loli fuimū i le ogatotonu o Sini i le tea o le 10 i le taeao analeila taimi Ausetalia.
Fai mai le lipoti o Eddy Ave i le city na tupu ai le faalavelave i Pitt St ma o se tina e 71 tausaga le matua sa i luga o le tram na faamanualia ai i faalavelave ma auina atu ai i le falemai o St Vincent mo togafitiga.
O le isi tagata e atoa iai le toalua o loo i le falemai o se tagata fuimū na ave atu foi i le falemai mo togafitiga.
O le isi toatolu na togafitia lava i le nofoaga lea ma ae fai mai le NSW Ambulance o le itu e lelei ai ona e leai se tasi o le toalima lea o tigaina ni manuaga.
Fai mai e toatolu isi na siaki e le aufaigaluega ma e lei toe manaomia nisi togafitiga faaopopo ae o loo tau faamautu le mafuaaga o lenei faalavelve ae o loo fetauaina e foliga sa faavave atu le fuimū i se faalavelave i Dixon St ae tupu ai loa ma le faalavelave.
