O loo toagaogao tagata galulue ua ta’ua o support workers e gafa ma i latou e le atoatoa le malosi.
O lea ua vaavaai le Te Pou’s Disability Workforce Development e faafaigaluega tagata Maori, Pasefika, tagata Asia faapito lava i le itupa o alii ona o lea o loo toatele tamaitai ma tina.
I le faafaigaluegaina ua molimau ai Manase Lua i tala a le leitio a Niu Sila o loo mafai ona fesoasoani e toe koleni ma faalautele le iloa ona e moomia le mautinoa ua lava tapena e mafai ai ona amata faigaluega.
I le taimi nei e silia ma le 1,000 avanoa o loo faasalalau i luga o le Seek.
O se tasi lenei o auaunaga na finauina i le 2017 e tatau ona totogi latalata i le maualuga o totogi o tagata o loo galulue i falemai peitai e le o toe finauina lea itu.
Ae mai le sui o le Disability Support Network, e 30% lea o le a sii ai totogi o i latou o loo galulue i falemai ma o le popolega o loo iai nei o le ono o uma ai o support workers o loo iai i le taimi nei ona o le tulaga tutusa o galuega fai.
E tuufaatasia tala o le taeao, e lei maua se tala mai le minisita o tagata e le atoatoa le malosi Poto Williams e tusa ma lenei mataupu.
