Ua tauaao nei e le Komiti a le Kolisi Maualuga a le itumalo o le Vaimauga se tinoitupe e 105 afe tala, mai lana leitiofoni saili tupe i le Aso Toonai na tea nei, ma seleni o le a iloa lona aofaiga atoa pe a mae’a ona ao tupe o foai e lei oo atu, faapea ma seleni mai tama ma teine tuai o le kolisi faapea tauaiga o uo ma aumea mamae o alala ai taumalele i Niu Sila, Ausetalia ma Amerika, faapea Amerika Samoa.
O le faamoemoe lenei o le a faamae’a ai nisi o vaega o le galuega o le fausia o le hall a le kolisi, lea ua lata ina atoa le 60 tausaga talu ona faatuina, ae faatoa iai lea o se maota tele mo meafai a le Kolisi a le Vaimauga.
Le Peresetene o le Komiti a le Kolisi a Vaimauga le afioga Leniu Vainiu Taito Galu.
