Na amata mea le faipule o le itumalo o Aleipata Itupa i Luga, Fuaava Suluimalo Amataga Penaia, i le faatalanoaga o le tupe faasoasoa a le Maota i le taeao.
Ma ia tatalo ai i se fesoasoani mo gasegase faamamā toto mai i le itu atu i Sasa’e o le motu. Pe e lei talafeagai ona avatu se masini faamamā toto i le falema’i i Lalomanu.
“E ui o Aleipata Itupa i Luga o loo iai le falemai i Lalomanu o loo tautua ai Aleipata ma se vaega o Falealili, ae o le talosaga, pe le ono faaaogaina le extension o le falema’i, mo se falemai faamamā toto, e tuu atu iai se nofoa se tasi. O le potu pe tolu potu moe, e avatu iai se masini, ma ia iai se tagata poto faapitoa.”
Na tali le Minisita o le Matagaluega o le Soifua Maloloina, Valasi Luapitofanua Toogamaga Tafito Selesele, i tulaga o iai lena manaoga i le taimi nei, “Mo le silafia o lau afioga i le Faipule, e le o iai se vaega o le tala o le tupe i lalo o le Soifua Maloloina. Na faatoa faaulufale le fale fou mo le faamamā toto, i le aso 19 o Tesema. Ae na faapea foi nisi e le lelei. Ae o le talosaga mo faipule uma, taumafai ia iai se taimi e asiasi ma tilotilo i meatotino ia. Ma e le mafai ona ave se nofoa i tua, e aunoa ma le faia o ni suesuega faapitoa.”
Peitai e ui ina e leai se tupe e pei ona saunoa le Minsita ae o loo ia fautua le talosaga o tagata mo le faatinoga o ia galuega.
“O nisi faasalalauga o galuega nei, ia silafia uma e Samoa, ae o le tele lava o mea, e tasi lava le talosaga, o le ala lea o le faalauiloa, i pepa ma TV. Faafetai ai i le komiti, ae o loo lelei lava galuega fai a le Matagaluega, atonu afai o silasila ane e leai se tupe a le Soifua Maloloina i le Tala o le Tupe, ona aua lea le toe lauga ai se isi.”
