Ua toe valaau mai e faafoi pepa berries o le ituaiga a le Pams.

O le tala lea ua sau mo tagata faatau uma i soo se vaega o Niu Sila, ma ua faia lea ona e ono fesootai ma le vairusi o le Hepatitis A ua aafia ai nisi.

E toa 12 tagata ua maua i lea vairusi ma o le toavalu ua faamaonia e fesootai ma berries nei, ma o le toafitu o lea toavalu ua taofia i falemai.

Ua aveesea mai pepa berries nei mai pusaaisa a le New World, PAKnSAVE faapea le Four Square i soo se vaega o Niu Sila, ma ua fautuaina foi tagata faatau e siaki muamua a o lei faia faatau.

Ae mo i latou o le a toe faafoi pepa berries, o loo mafai ona toe maua le refund.

O āuga o lenei vairusi o āuga e pei o le fulu, lēlavā ma tiga sooga o ponaivi.