O le Aso Sa ua mavae atu nei na tuua ai le atunuu e le taitai o le Malo le afioga i le tamaitai Palemia mo sana sailiga malosi i le faia o ni siaki faafomai i Niu Sila.
Na faailoa le tuua o le atunuu e le afioga i le Palemia Fiame Naomi Mataafa e le Ofisa Sili o le pulega o le Matagaluega a le Palemia ma le Kapeneta le tofa Agafili Tomaimano Shem Leo, i le sauniga lotu faalemalo e tatala ai le vaiaso o Talosaga ma Anapogi lea na faia i le maota tatalo o le Faavae i le Atua i le mauga o Vaea i le afiafi o le Aso Sa ua mavae atu nei.
O le afioga i le Sui Palemia, le afioga Tuala Tevaga Iosefo Ponifasio, o loo tauaveina le taitaiga o galuega a le Kapeneta ma le Malo, a o toesea ai le tamaitai Palemia ma le atunuu.
