Ua tali atu leoleo faaaupegaina i se faalavelave i Aukilani i Sisifo lea na lipotia ane ai e tagata o loo aumau i lea faaitu le vaaia o se alii o fealuai ma se fana i fafo ane o lona fale.
O molimau a ia tagata ua taua ai na vaaia taavale e ono a leoleo i le vaega tonu o loo lipotia ane ai lea mataupu ae fai mai e lei faalogoina ni fana e ui o loo molimau se tasi tuaoi na faalogoina le pa ane o se fana.
Fai mai leoleo na valaau ane latou i le tuatusi lea ona o lipoti o se fana o pao ane ae taunuu ane e lei maua se auupega ma leai foi se isi o faamanualia.
O loo faatalia se isi lipoti lata mai o lenei mataupu pe a mae’a suesuega a leoleo.
