O loo i luma nei o le soā komiti a le Kapeneta tulafono e tolu e aofia ai teuteuga o le Faavae ma le Tulafono fou o Fanua ma Suafa mo se iloiloga, ma le faamoemoe o se fautuaga mai lea soā komiti o le a tuuina atu mo se finagalo o le Kapeneta a o le’i toe foi atu i le Palemene.

Na fesiigia le ta’ita’i o le Malo i sona finagalo i le fia tuliloa poo fea o taoto ai lea mataupu e pei ona iai ni fautuaga a le komiti a le Palemene na toe silasila i ia tulafono.  

Se finagalo o le tamaitai Palemia, Afioga Fiame Naomi Mataafa e faailoa ai le toe foi atu o ia tulafono i le fautuaga a le Komiti faapalemene e ave i le Kapeneta ma le Loia Sili a le Malo e toe silasila iai.

Ua lē mafai ona faaaogā le tulafono fou o Fanua ma Suafa i ni ona vaega auā le su’esu’eina o mataupu, ona ua tālia se isi laasaga e taunuu iai pe a toe tuuina atu mo se finagalo o le Palemene.