Ua sainia nei se maliega i le va o le Hai Komesina o Peretania i Samoa ma le Kamupani a le SSAB e faatupe se fale tutotonu mo le toe fuataina o olaga o i latou na molia i ni soligatulafono poo le Rehabilitation Education Center.

O lenei maliega na sainia e tusa lea ma le $10,000 tala e faatupe ai lea atinae ma o le afioga ia Ian Richards na fai ma sui o le Hai Komesina o Peretania faatasi ai ma le tamaitai pule a le SSAB afioga Tofilau Fiti Leung Wai.

O lenei fale tutotonu o le a fai mea ma mapusaga mo i latou ua molia e le itu faalemafaufau ae faapea le itu faaletino. O le a maua avanoa e faitau ai tusi ma le tele o vaega ina ua toe fuataina ai olaga o i latou na aafia i ni soligatulafono ma taofia ai i le falepuipui i Tanumalala.

Taua e Richards “E fiafia tele le Komesina o Peretania e tuu mai le tauau fesoasoani i atinae taua faapea e fesoasoani le i olaga o tagata ina ia toe amata seisi amataga fou ae faatuatuanai vaega lē talafegai na afua ai ona taofia i le falepuipui”.

Na asia e i latou nei le falepuipui i Tanumalala i le vaiaso nei ma vaai tino ai i le taua o lenei falefou poo le faletusi o le a fausia ai mo

i o loo taofia i lea falepuipui.

Taua foi e Tofilau “O le faa mamafa lava a le SSAB o tulaga o le faitau tusi ma e agavaa ai soo se tasi o le auga lea o le fia fesoasoani ina ia faia se faletusi mo le falepuipui”.

O le Aso 2 o Novema o le a tatala ai lenei faletusi fou i le vaitau tonu o le faamamaluina o le 16 aso e tetee atu i sauaga i soo se tagata.