Ua fautuaina le au fai taavale ia alofia nisi o magaala ma ia silafia o le a tuai nisi o faigamalaga i le asō ona o se faalavelave tele tau taavale sa tulai mai i luga o le M5 i le motorway i le itu i Saute Sisifo ua lavevea ai taavale e fā ma se uilaafi.
Fai mai lipoti o le taeao analeila mai le ‘afa o le ono na amata tapunia ai auala agai atu i le faaitu lea ona o lea faalavelave.
Na faamaonia mai e leoleo o taavale ia e fa na fetoai faatasi ai ma le uilaafi ma e toaono na togafitia i lea nofoaga ma se alii e toatasi ua aveina atu i le falemai.
Na lipotia foi se isi faalavelave tau taavale i le agai atu i Newcastle lea foi o loo poloka ai feoaiga i le M1 i le agai atu i lea faaitu.
