I le lipoti lata mai a le Mataglauega o le Soifua Mālōlōina ua faamauina ai e to’a 23 i latou ua faamaonia le pesia ai i le siama o le Koviti-19 mai i le 2:00 i le aoauli o le aso 13 Iulai i le 2:00 i le aoauli o le adso 15 Iulai 2022.  

I lea aofaiga e to’a 22 tagata lautele ma le to’atasi o tagata na malaga atu i le atunuu. Ua siitia ai le aofa’iga to i latou  ua aafia i le siama o le Koviti-19 i totonu o Samoa i le 15,178.  

E to’alua (2) ua faamauina o loo taofia i nofoaga faapitoa i le Maota Gasegase i Motootua. O loo tumau pea le aofai o i latou ua maliliu ona o le koviti i le to’a 29.  

E lē o muta le taulogologo a le Matagaluega i le atunuu ina ia tausisia pea fautuaga mai le Soifua Mālōlōina ina ia faia tali fofoga, tutū ma nofo vāvā mo le lua mita mai le isi tagata, fufulu mamā lima pe a mae’a ona tagofia ni meafaitino, ina ia faaitiitia ai le soona pepesi o le siama. 

E lē gata o fautuaga i le koviti ae faapea foi fautuaga i le pepesi ai o le fūlū masani i totonu o le atunuu.