E lē logomālie saunoaga a le taitai o le ACT, David Seymour i le faafofoga a le Sui Palemia Carmel Sepuloni ma ua faatalosagaina ai e Sepuloni le tatau ona ia faatoese.
O Seymour o lea ua mausali lava lona finagalo e na te tapunia le matagaluega o tagata Pasefika poo Ministry for Pacific Peoples pe a tu mai i le palota, peitai o ananafi na ia faapea mai ai o le a ia aumaia Guy Fawkes poo lea e faatatau i mea faapāpā ma faauma ai le matagaluega.
O Seymour lea lava e lē o malie i le soona faaalu e le matagaluega o tupe, e pei ona iai le $40,000 i le faamavaega ae o le $121,000 na faaalu i prezzy cards i le tausaga talu ai.
Fai mai ai Sepuloni o Seymour lava lea ma ana faamatalaga faailogalanu aemaise lava i tagata Pasefika ma Maori.
A o fai mai ai Seymour o lana lava tala mālie, mai le sui o le vaega a le Greens, ua na o se tamaloa o loo maua mai ana foai tupe poo donations mai tagata papae ma o loo ia tala tausua i tagata eena ma la latou matagaluega.
