Faatoese le Fofoga Fetalai fou ia Winston Peters ona o le trespass notice na tuuina atu iai e sā ai ia ma le Palemene.
O lea trespass notice na tuuina atu ia Peters i le masina o Me ona o lona asia o le solo tetee sa iai i Ueligitone i le masina o Fepuari, ma o lea na toe ave i tua i le aso lava na sosoo ai.
Ae i luma o le faamasinoga maualuga ananafi na ta’utino ai le Fofoga Fetalai faato’ā faatauto i le vaiaso nei, Adrian Rurawhe e le’i tonu ma e lē fetaui le faaaogā o le malosiaga poo le power o le Fofoga Fetalai na iai i lea taimi, Trevor Mallard e faasā ai Peters ma le maota fono.
O le malosiaga ua ta’utino le Fofoga Fetalai na sese lona apalaiina o le puipui 4 o le Trespass Act 1980.
O le faatoese ai o le Fofoga Fetalai ia Peters na saunoa ai le Itu tagi, o loo ia tu malosi e finau lenei mataupu e fai ai ia ma sui o tagata Niu Sila o loo finauina a latou aiātatau ma puipuia faiga faatemokalasi.
O loo tālia nei le faai’uga a le faamasinoga maualuga.
