I le mae’a ai o le faasalalauga mai le malo ua sau ai nei le faaiuga a le Ea Niu Sila e le toe moomia le faia o ufi fofoga i luga o faigamalaga.

O le toe minute anapo lea na faagata ai le faaaoga o ufi fofoga, ma o le asō le uluai aso e le toe faamalosia ai e le kamupani vaalele le faia o ufi fofoga a tagata femalagai.

Mai le sui o le pulega, o le a tuu atu lava foi le pule faitalia i pasese e mananao e faaauau pea ona faia ufi fofoga ma o lea foi o le a faaauau ona tapena e le kamupani pe a moomia.

Ae mo pasese e faimalaga i atunuu o loo faamalosia pea le faia o ufi fofoga, o i latou nei e moomia pea le usitaia o taiala o puipuiga mai atunuu ese.