O le polokalame lenei ua faaigoa o le The Healthy Nanas o loo faaaogā ai le.kirikiti faaperetania e momoli ai se fe’au tāua i tina o le atunuu e pei ona oo ai i le afioaga o Saoluafata.
O loo galulue vaavaalua ai le Asosi kirikiti faavaomalo a Samoa ma le vaega a le Cricket Australia ina ia faataunuuina lenei polokalame i afioaga.
O se auala e mafai ai ona faaauupegaina tina i faalauiloa i le tetee atu i sauaga, o le polokalame auā le atina’eina i totonu o aiga e ala lea i le soifua maloloina.
O loo agai lenei polokalame i nai tina matutua e auai e pei ona faailoa i faamatalaga o loo faasalalauina e le Asosi Kirikiti faavaomalo a Samoa o i latou ia e le o mafai ona maua le avanoa e silafia ai ni auala a o polokalame e atina’e ai lo latou agavaa i totonu o aiga.
A o faagasolo ai lenei polokalame mo le 16 vaiaso o loo maua ai foi le avanoa e mafuta ai ma isi tina o le afioaga e faasoa foi i vaega e agai ai luma le tautua i totonu o aiga ma afioaga.
O lenei polokalame o loo mafai ona lagolagoina e nisi o Matagaluega a le Malo e aofia ai Leoleo, Soifua Maloloina, Faatoaga ma Faigafaiva aemaise ai nisi o faalapotopotoga tuma’oti i le atunuu.
