E $4.3 miliona le tau o le faleaoga fou mo se aoga amata i Kalaiesetete ua uma ona fau, peitai e ono le mafai ona faaaoga.
E $4 miliona na faaalu e le BestStart mo le fanua ma le faleaoga i Grey Way Rd i Kalaiesetete, e ese ai ma le $300,000 mo le faatotogaina.
Ae ona o le latalata tele o le faleaoga ma le State Highway 73, ua faailoga fesili ai nei ma le ono faaaoga o lea faleaoga.
I se lipoti mai le matagaluega o aoga, e le o faamalieina le talosaga mo se laisene e mafua mai i le pisa e ono aafia ai le talanoa o fanau faapea nisi tulaga e ono lamatia ai.
Ae na ta’ua e tagata suesue na totogi e le BestStart, e faapea o lea na pasia uma suesuega.
O lea ua tu tu le faleaoga, le maua se tonu o fanau o loo i le lisi faatalitali atoa ai ma le aufaigaluega ua uma ona sue.
A o faatali ai la i le pulega pe a o i le tulafono, pe toe faia nisi teuteuga i le fausaga ua iai nei ina ia pasia ai le lē aafia o aoaoga a fanau i le pao o taavale, ae na ta’ua e le matagaluega o aoga o lea na gata lava ia Ianuari o le 2021 le talosag a le BestStart poo le talosaga lea na teena ma e oo mai i le taimi nei e lei toe faauluina atu se isi talosaga.
