E iai faamaumauga sa le tatau ona tapa fua e nisi o fale o loo faasalalauina fale nofo totogi poo rental property agencies.
O suesuega nei a le Consumer New Zealand na faia ma ua maua ai e iai faamaumauga na solitulafono lona faatalosagaina mai tagata na faatalosaga mo fale.
O le amataga o le tausaga na faafesootai ai le 32 property agencies i Aukilani, Ueligitone, Palmerston North, Nelson ma Dunedin ma a o lelei ai le aotelega o le usitaia o le Privacy Act, e iai nisi o fesili sa le tatau ona faia fua.
O nisi o tagata na fesiligia ua faaalia ua oo lava i ekalesia.
O se suesuega foi ua iloa ai le toatele e ui e lei mananao e faailoa bank statements i taimi o loo iloilo uma ai tagata talosaga, peitai ona o le mananao tele i fale e mafua ai ona fai.
Ua talosaga ai le Renters United, ua tatau nei ona tuu faamatalaga na faia e nisi o pulega i tagata su’e fale, a le aumaia faamaumauga o loo moomia e le maua se fale.
I nisi o landlords na molimau i lenei ripoti, o le suiga o tulafono fou ua iai le isi mafuaaga ua tele ai faamaumauga e tapa mo le mautinoa e lelei ona totogi fale.
