Ua mae’a le palota a Ausetalia ma ua faamaonia le toe manumālō o Anthony Albanese ma le vaega faaupufai a le Leipa.
O le faai’uga o le vaiaso na faataunuu ai le faigapalota ua iloa ai le itu o loo lilifa iai finagalo o le to’atele mo le ta’ita’iga o le atunuu, peita’i la o le fesili ua tulimata’ia e le to’atele i le amata mai o lenei vaiaso fou, poo afea la e faatino ai folafolaga sa faalauiloa e le vaega faaupufai aemaise lava i se faamāmā avega i le tau o le soifuaga.
O se tasi o tagata e tele lona silafia i mataupu tau tupe na ia ta’ua o le malosi o le malo e tatau ona faafaigofie ai ni fesoasoani i mea sa folafola o le a maua ai se faamāmā avega mo tagata.
O le isi itu o le a tulimata’ia o le lafoga totogi poo le tax lea sa faailoa e Albanese i sana lauga talu ai, o le a penefiti ai le tusa ma le 6 miliona o tagata Ausetalia.
E 100 afe isi fale fou sa folafola e le malo o le a fausia ma ponesi o le a maua e tagata faigaluega fau fale.
Puna o Faamatalaga: https://www.9news.com.au/national/cost-of-living-changes-coming-after-labor-landslide-win/fdbfc6b7-c9be-468d-ab38-006516b48489
