O se tasi o galuega ua ave ai nei le faamamafa a le afioaga o Tulaele o le faatāua lea o le puipuia o le siosiomaga mai le faalapisi. 

I lipoti a le Samoa Observer ua faailoa ai o Tulaele o se tasi o afioaga mai le tele o nuu o lea ua unai le faamamā lea o laufanua o le atunuu. 

O le una’i ua mafai foi ona faapipii ma nisi o faailoilo i lea afioaga e faailoa ai i le tagata feoa’i ina ia taofi le faalapisi ma tautuana e lafoa’i lapisi i ato ua saunia. 

O lea gaioiga na mua’i talanoaina e le komiti o Tina o le afioaga ma o le auga autu ina ia faatāua le ola tumamā ma faasao ai le siosiomaga mai le tele o lapisi. 

O se tasi o vaega e fesoasoani lea i nisi o faalauiloa a le Pulega o Tagata Tafafao Maimoa mai Fafo ina ia saga faamatagofie ai Samoa.