Ua faatonuina e lē sa avea ma sui palemia, Winston Peters lana loia e faaulu pea le tagi i le tulafono faasaga i le Fofoga Fetalai Trevor Mallard ona o le faasā o ia ma le Palemene.
O le mae’a asia ai e Peters o tagata na tetee i tui i Ueligitone na tuuina atu ai loa ma le trespass notice e s ai ia ma le Palemene lea na toe mulimuli ane faalēaogāina.
Peitai e lē o tuua ai galuega a le loia a Peters e pei ona sa o latou faatalosagaina ai pea le Fofoga Fetalai i le faai’uga o le masina faato’ā uma atu, a lē tuuina mai faamatalaga ma faamaumauga o loo lagolago e le tulafono le mafai e faasā ai tagata mai le maota o le a faaauau pea ona faaoo la latou finau i le faamasinoga.
O le Aso Gafua na faailoa mai ai e le Palemia Jacinda Ardern o le a faamavae ia Aokuso Mallard ae faatasi atu i lana galuega fou i Europa.
Peitai o ni faamatalaga e lē o talitonu ai Peters ma lana tala e lē moni atoatoa, ua faamavae ona o le fefe i le mataupu ua su ai.
Vaofilifili & Le Soga
105 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
