O le aumaga ma taulele’a o le nuu o Gagaifolevao i Lefaga o loo taulamua i le tetee atu i le sauaina o tina ma tamaitai e ala i le auai i le polokalame a le Toomaga mo ē Puapuagatia o loo auai se vaega o le itupa o alii.

O le tāua tele o le pitolaau a taulele’a o Gagaifolevao ua talia ai e le Toomaga le latou talosaga mo se fesoasoani i le atiina a’e o le latou nuu e tusa le tau aofai ma le $5,000 tala. O moa vao seloloi, ma ta’aiga uaea fai pa mo meaituaolō ua fesoasoani i le atiina’e o le nuu o se vaega o polokalame e galulue ai le malosi o le nuu e susu’e le vao mo faato’aga ma faia atiina’e tau lafumanu e pei o meaituaolō.

O Gagaifolevao o se tasi o afioaga o loo lavea i le li’o o nuu e sefulu o loo aofia i le polokalame a le Toomaga, ua avatu ai le lagolago a le itupa o alii e latou te galulue faatasi e titina ma tafiesea sauaga faasaga i tina ma tamaitai.