E 50,000 ua foai atu e Tama Tuai o le Kolisi o Avele o loo aumau i Ueligitone i Niu Sila mo le taumafaiga e fausia se Fale Samoa mo le Kolisi.
O le Aso Faraile na tauaao atu ai lea meaalofa.
Sa faaalia e le sui na malaga mai e tauaao lea fesoasoani, le afioga ia Tunumafono Ken Ah Kuoi e 10 lala o le ACOPA i le lalolagi ma o le taumafaiga lea ia galulue faatasi e taumafai mai seleni auā le fausiaina o le Fale Samoa e taualuga iai le faamanatuga o le 100 tausaga o le Kolisi o Avele ia Iuni o le tausaga nei.
O lenei seleni sa aoina lava ia latou sailigatupe ma o se lu’i lea mo isi lala ina ia taumafai mai auā lenei poloketi.
Na ta’ua e Tunumafono pe toaitiiti ae a iai le loto alofa i le aoga sa aoaoina ai e tini lava ma tele le seleni e maua.
