Ua faamaonia o le a taaalo le Flying Fijians ma le Wallabies faapea Sikotilani i ni taaloga se lua o le a faia i le vaitau poo Iulai/Aokuso o le tausaga nei.
Ua faamaonia mai lea faamatalaga e le ta’ita’ifono o le Iuni lakapi a Fiti, o se tasi foi sa taalo muamua i le Flying Fijians, John Sanday.
Fai mai a ia ua faia faatalanoaga a le Lakapi Fiti ma sui mai le Australia Rugby ma ua faamautū ai o le aso 6 o Iulai le fetauiga ma le Wallabies ma sosoo ai ma le taaloga ma Sikotilani i le isi vaiaso e sosoo ai.
Na saunoa le ta’ita’ifono o taaloga faapea o test e aogā tele mo le faamautūina o avanoa o le ‘au i le faatulagana o ‘au e 10 pito i luga mo le Ipu o le Lalolagi i le lakapi.
O loo tulaga 9 nei Fiti i le lisi lea ae o Ausetalia i le numera 8, Sikotilani i le numera 6.
Puna o Faamatalaga: https://www.rnz.co.nz/international/pacific-news/539205/flying-fijians-confirmed-to-play-wallabies-and-scotland-in-2025
