O le Aso Faraile nei e amata aloaia ai le Taste of Pasefika poo le Pasifika Festival e pei ona masani ona iloa ai. O le sauniga i le The Cloud i le Queens Wharf i Aukilani mai le fitu i le afiafi i le 10 i le po. Ua faailoa i le Herald o se faaaloalo i atumotu o le Pasefika ma ona tagata ma le faatāuaina o aganuu eseese e ala i faafiafiaga o siva ma pesepesega.
O le a aofia ai foi ma se faaaliga o teuga ma sikaili eseese e faailoa ai nisi o tagata iloga mai le Pasefika ma Maoli. O le faaaliga i le tausaga nei ua unaia ai tagata ina ia tulai ma agai i luma, ma o polokalame faatulaga o le a faia i faaiuga o vaiaso e tolu o le a sosoo mai e lē gata i le The Clouds, o le Vodafone Events Centre ma le Auckland Zoo.
O faamatalaga eseese e tusa o le faamanatuina o le Taste of Pasefika e maua uma i le upega tafailagi a le Taste of Pasifika 2022.
