E 21 i latou na auai lenei aoaoga na faatinoina ina ia fesoasoani e siitia le tulaga i le auaunaga a le Ofisa o Leoleo ma Falepuipui i totonu o ofisa faigaluega.
O lenei aoaoga na faatinoina e le Pacific Faculty of Policing ma le Institute of project Management mai Ausetalia.
Na ta’ua e le Sui Komesina o Leoleo Papalii Monalisa Tiai-Keti i le aogā o lenei aoaoga mo le aufaigaluega.
“O le faia o filifiliga e le o se mea faigofie ae e mautu lo’u taofi a mulimulitai i taiala o loo aoaoina i lenei aoaoga ma faaaogā tatau se mea tāua ua maua mai lenei faatasiga o le a fai lea ma fesoasoani i le tulaga o le auaunaga o loo tatou galulue ai.”
Na faafetaia ai e Papalii le fesoasoani a nei ofisa mai Ausetalia e fesoasoani lea i le atina’e o le tomai aemaise o nisi o vaega e lagolagoina ai le auaunaga a le Ofisa o Leoleo ma Falepuipui o loo ofoina i le atunuu.
E tolu aso na faia ai lenei aoaoga i le faletalimalo a le Taumeasina na tufatufaina ai tusipasi e faailoga ai lenei faamoemoe.
