Matuai lē fiafia i latou na tuufaatasia taaloga lakapi a tamaiti i lalo o le 9 tausaga le matutua i Townsville ona o se vevesi na tulai mai e aofia ai mātua o tamaiti i le faaiuga o le vaiaso.
O le vevesi e pei ona lipotia ma faailoa foi i se video ua vaaia ai mātua o tau vaovao e nisi o le aumaimoa a o vaai ma le popole le fanau sa feagai ma taaloga.
Fai mai le taitaifono ma le asosi Rugby League Townsville o loo suesue nei le mataupu ae o se tulaga faanoanoa tele ma ma’umau ai avanoa mo le atina’eina o le fanau i le taaloga.
