Ua amata faatino le galuega a le faapotopotoga o mavaega tausi a Samoa le U.T.O.S. mo le teuina o tupe mai le limaselau ma sili atu mo sea i le kamupani vaalele o le Samoa Airways.
Ua faailoa e lea auaunaga tau tupe teu mo mavaega tausi a le malo o Samoa, e tatau ona tatala muamua se teugatupe i le faalapotopotoga ona mafai lea ona tuuina atu sea mo le teuina ai.
Ma o le taimi lenei o loo faia tapenaga mo le toe faagaioi o le kamupani vaalele i le aumai o ni vaalele tetele se lua, o tupe uma o sea o le a teu faafaigaluega i le U.T.O.S. ma maua ai tului o faamanuiaga e tusa o aiaiga tau tupe a le faalapotopotoga.
Ae faato’ā tuuina atu i le Samoa Airways tupe o sea pe a oo ina mautū tapenaga a le kamupani vaalele.
Ua faailoa e le faalapotopotoga o mavaega tausi i se pepa faalauiloa ua iai nei lana upega tafa’ilagi i luga o fesoota’iga televavave le online e lesitala ai tagatānuu o Samoa e fia fai ni o latou sea.
O faalapotopotoga ma kamupani e fia auai foi e ao ona fesoota’i muamua i le U.T.O.S. poo le faalapotopotoga o mavaega tausi a Samoa.
