Ua aga’i tagatānuu o Toelau e faia a latou palota i le asō ina ua mafai ona faataunuuina lea faamoemoe talu mai uiga loulouā o le tau sa iai na faatuai ai ma le vaa na ave ane ai pusa palota.
O palota uma o le a faia i Nukunonu, Atafu, Fakaofo aemaise i Apia mo tagata Toelau o loo aumau i Samoa.
E silia ma le 1,600 tagata o loo aumau i Toelau ma e amata mafai ona palota le tagata pe a ausia le 18 tausaga ae tatau ona ausia le 35 tausaga o le matua o le soifua ona mafai lea ona tauva o se sui i le palota.
E tatau foi ona umia se tusifolau Niu Sila ma ua aumau i Toelau ia lē itiiti ifo i le lua tausaga.
Fai mai o le tausaga lenei e atoa iai le 100 tausaga talu ona avea Toelau o se teritori o Niu Sila.
Puna o Faamatalaga: https://www.rnz.co.nz/international/pacific-news/586003/tokelau-heads-to-the-polls-after-storm-delays
