Ua malie ane Iran e faaauau talanoaga ma Amerika e faatatau i matāupu faaniukilia a o taumafai ai e ‘alofia nisi faamata’u atu faamiliteli ma o le ulua’i talanoaga la lea o le a faia i le va o atunuu e lua talu ona pomu e Amerika nofoaga faaniukilia o Iran i le tausaga na te’a nei.
O le sooupu mai le matāgaluega o le va i fafo a Iran, Esmaeil Baghaei na ia ta’ua ua tapena nei lea talanoaga ma Amerika ina ua faatonuina i latou e lo latou Peresetene.
Ua faailoa foi ua ofo ane atunuu e pei o Turkey ma Oman e mafai ona o latou talimalo i ia talanoaga.
O le faamatalaga mai le Fale Pa’epa’e ua ta’ua ai o le vaiaso nei e faia ai nei talanoaga e ui i le talosaga a Tehran e toe sui le nofoaga e fai ai.
Ta’ua e le press secretary o Karoline Leavitt i le ‘autusitala o loo matala pea le avanoa mo ni osofa’iga faamiliteli a Amerika pe afai e lē manuia ia talanoaga.
Puna o Faamatalaga: https://edition.cnn.com/2026/02/03/middleeast/iran-nuclear-talks-us-strike-intl-hnk
