O le ‘au a Tonga o le ‘au muamua lea mai le Pasefika o le a mua’i taaalo i le faatulagana o taaloga o le Ipu a le Lalolagi i le lakapi i le tausaga fou ia Oketopa e pei ona faailoa mai i le RNZ i le asō.
O lea ua faailoa mai le lisi o le taamilosaga mo le Ipu a le Lalolagi.
O Fiti o loo i le Pulu C faatasi ma Argentina, Spain ma Kanata.
O Samoa o loo i le Pulu E faatasi ai ma Farani, Iapani ma Amerika.
O Tonga o loo i le Pulu F faatasi ma Egelani, Uelese ma Zimbabwe.
O Tonga la e mua’i taaalo i le Aso Toonai, 2 o Oketopa e fetaui ai ma Egelani i Brisbane.
O Samoa o lana ulua’i taaloga o le Aso Sa 3 o Oketopa, e taaalo ai ma Iapani i Newcastle.
O le ulua’i taaloga a Fiti e faia e fetaui ai ma Spain i Newcastle foi ae o le All Blacks e muamua fetaui ma le ‘au a Chile i le Pulu A i le taaloga e faia i Perth.
E 24 ‘au o le a tausinio mo le Ipu a le Lalolagi i le lakapi ma o le finals o le a faia i le malae i Sini i le aso 13 o Novema.
Puna o Faamatalaga: https://www.rnz.co.nz/international/pacific-news/585912/2027-rugby-world-cup-who-when-and-where-are-the-pacific-island-teams-playing
