Ua folasia e le minisita o le Home Affairs a Ausetalia se visa faapitoa mo i latou e faimalaga ane e maimoa pe auai foi i le taamilosaga o le lakapi liki a le NRL lea e taaalo ai ma le ‘au a Papua le PNG Chiefs.
Fai mai le leitio faavaomalo a Niu Sila e amata i le 2028 le visa lea e talafeagai tonu ma le taimi e amata ai le ‘au lea a Papua i le liki ma e tusa ma le 75 kina poo le 17 tālā Amerika le tau o lea visa mai Ausetalia.
Faailoa mai e le minisita o Tony Burke o ia fetuuna’iga fou o le a faafaigofie ai ma taugofie mo le ‘autaaalo aemaise faia’oga ma ofisa o taaloga aemaise foi le ‘aufaasalalau ma le ‘aumaimoa, ona talosaga mo ni visa i Ausetalia.
E 12 masina e aogā ai le visa lea ma e iai tulaga tau le soifua mālōlōina e ao ona faamalieina.
Saunoa le Palemia o PNG, James Marape o le visa lea o le a faigofie ma gafatia e ona tagata ae lē gata i lea o le amana’ia o le ‘au a le atunuu le PNG Chiefs.
Fai mai o le tau o le visa masani e malaga ane ai le tagata mai Papua i Ausetalia e 200 Ausetalia ae o lea la i le visa fou lea pe a amatalia e na o le $17 Amerika poo le 75 kina Papua.
Puna o Faamatalaga: https://www.rnz.co.nz/international/pacific-news/585779/australia-unveils-new-cheaper-visa-deal-for-png-chiefs-supporters-ahead-of-nrl-debut
