Ua amata faaaogā nei le fale teuoloa fou o le malo o loo i Atele i Nuu lea sa fausia se vaega tele o le fale e le faletupe o le lalolagi, ma le faalapotopotoga o fesoasoani o atina’e tau faato’aga a le lalolagi le IFAD, ma le 25 pasene na faatupe e le malo o Samoa.
O le tau atoa o le galuega e tusa ma le 4 miliona fāselau afe tala.
O se nofoaga ua iai pusa’aisa e teu ai oloa e pei o talo tuu’aisa a o le’i auina atu mo maketi i fafo.
Na faailoa e le Palemia i le tatalaina o lea galuega o se fale teuoloa e una’ia ai atina’e tau faato’aga i lo tatou atunuu i le silasila mamao a le malo i auala e siitia maualuga ai avanoa e mafai ona auina atu ai oloa tau faato’aga i atunuu i fafo.
O se fale ua fausia i tulaga tau tulafono faavaomalo ina ia usita’ia ai aiaiga faaletulafono o oloa tuu’aisa e faatau atu i maketi i fafo.
Ua avanoa le nofoaga e faaaogā foi e pisinisi ave oloa i fafo i tulaga tau faato’aga.
