O le mae’a o le fono faaletausaga a le Lakapi Samoa ua faailoa ai le filifiliga o sui e to’atolu o le Komiti Faafoe faapea ai ma le toe tusiaao o le Lakapi Samoa i le tofa Namulauulu Papalii Leota Sami Leota, e na te toe tauave le tofi Pelesetene.
O le faalua lea ona filifilia lea tamalii e avea ma Pelesetene, ae i le Komiti Faafoe e to’atolu sui fou ua filifilia o le tofa Autagavaia Aso o le sui o le Iuni lakapi faaitumalo mai lo tatou motu i Savaii, o le faletua ia Sifuiva Malaea Lauano o le sui o tamaitai i le Komiti Faafoe ma le Susuga Papalii John Taimalelagi Afele o le loia i totonu o le komiti.
Ua sui o ia i le alii loia o Faimalomatumua Mathew Lemisio ua lē toe filifilia.
O isi sui e to’alua ua lē toe filifilia o Leatigaga Peni Tofa mai le iuni a Savaii ma Soonalote Malo Sefo sa avea ma sui o le itupa o tamaitai.
