Ua faailoa e le faalapotopotoga o loo ofaga uma iai faalapotopotoga tuma’oti uma i le atunuu le S.U.N.G.O. le filifilia o se tasi o tamālii ua leva tausaga o auauna ma tautua i le faamalu o faalapotopotoga tuma’oti e avea ma ona Ofisa Sili.
O le tofa Lavea Peseta Lua Nafo’i ua seei nei i le tofiga Ofisa Sili ma ua suitulaga i se isi o tamālii sa tula’i i le tofiga le afioga Fuimaono Vaitolo Ofoia ua avea ma Ofisa Sili o le matāgaluega o tupe maua.
Ae i le tula’i mai ai o le tofa Lavea poo le afioga Peseta Lua Nafo’i i le tulaga Ofisa Sili o le S.U.N.G.O. o le a ia vaaia ai le faagaioia o le faalapotopotoga i ona vaega tetele ina ia mautinoa le siitia o auaunaga a faalapotopotoga tuma’oti i le atunuu o loo avea ma sui o le faamalu o faalapotopotoga tuma’oti a Samoa.
