Ua lipotia i le vaiaso nei le faia o ni faatalanoaga i luga o le telefoni, video call a le ta’ita’i o Saina o Xi Yingping ma le peresetene o Lusia, o Vladimir Putin ma ua faatalanoa ai le galulue vavalalata o Moscow ma Beijing ma o la sootaga aga’i ia Amerika.
Ua ta’ua le taliaina e Putin o se valaaulia mai Saina e malaga atu iai i le tausaga nei.
Faailoa i le 9News sa una’ia e ta’ita’i o le Atu Europa le atunuu o Saina mai tausaga ua te’a ina ia faamuta loa lana lagolago ia Lusia e ui o Lusia le paaga tau tamaoaiga aupito malosi a Saina.
O le tele o isi atunuu sa faapaaga ma Amerika ma vavalalata foi sootaga, ua aga’i e sa’ili nisi avanoa aga’i ia Saina i le mae’a ai o feteena’iga ma Donald Trump i matāupu tau tariffs poo lafoga faaopoopo aemaise ai o faamata’u a Trump e ave faamalosia Greenland, se vaega o Denmark.
Fai mai Putin i le ogatotonu o le tele o le mau lūgā ma lālō faavaomalo, o loo tumau pea ma mauaa le sootaga i le va o Moscow ma Beijing.
Puna o Faamatalaga: https://www.9news.com.au/world/xi-jinping-and-vladimir-putin-closer-ties/824484ee-4654-4ba0-818d-4833b0614729
