E fa ituaiga o le vaiinu poo le kofe faaaisa o le Dare Iced Coffee ua fautuaina vave le toe faafoi ane ma ia aua le taumafaina ona ua maua i suesuega o loo aofia ai ni plastics e ono aafia ai le soifua.
Ua lipotia e le 9News i le asō o flavours o le iced coffee lea o le Espresso, Double Espresso, mocha ma le double espresso no sugar lea o loo aafia.
O se faamatalaga mai le Food Standards Australia and NZ ua ta’ua ai o nei oloa o loo faatauina i Vitoria i faleoloa e aofia ai le IGA, Coles Express ma isi faleoloa laiti.
Ua fautuaina vave le toe faafoi ane o ia oloa pe afai ua faatauina ona o le popolega mo le saogalemu o tagata.
E lei leva nei foi ona toe valaau mai le faafoi atu o le chips o le ituaiga o le smiths crinkle cut salt and vinegar lea foi na feta’ua’ina ai le ono iai o ni plastics e aafia ai soifua.
O ia oloa o loo faatauina foi i soo se faleoloa o le Woolworths i NSW ma Kuiniselani faapea foi ma le IGA.
