Ua una’ia e le Peresetene o Farani, Emmanuel Macron Europa ina ia tuuina i latou i luga o le world stage ona ua tatau nei loa ona faaāta o Europa o se malosi’aga.
Fai mai le BBC i le faatupula’ia pea o faamata’u mai ia Saina faapea Lusia, ma Amerika foi.
Fai mai Macron pe ua sauni ea Europa e avea ma power poo se malosi’aga?
Fai mai Macron o le fesili pe ua sauni Europa e avea ma se tasi o malosi’aga tele i le itu tau le tamaoaiga, tupe, puipuiga ma faiga faatemokalasi foi.
Pe a fua i faamatalaga a le alii Peresetene, e 27 sui o le atu Europa e mana’omia ona inivesi i tausaga ta’itasi ia faaleleia le tulaga tau le puipuiga ma le saogalemu aemaise o le tomai faaonaponei.
Ua faailoa e Macron sa mafai ona o ane faatasi Europa e taofi taua, fausia maketi ma isi auaunaga ae e lē o mafai lava ona silasila Europa i le avea o i latou o se tasi o malosi’aga, poo le power.
Puna o Faamatalaga: https://www.bbc.com/news/articles/ce8n1zdnpd3o
