Ua faamatala e le teutupe a Ausetalia o Jim Chalmers lona unaia o le minisita o tupe a Saina faatatau i sā o loo tuuina i luga o fefaataua’iga a malo e lua atoa ai ma le faafalepuipuiina o tagata Ausetalia e toalua, ina ua faia le la uluai feiloaiga.

Sa feiloai Chalmers ma Liu Kun le minisita o tupe a Saina i le fonotaga a minisita o tupe le G20 atoa ma kovana o faletupe tutotonu i Initia i le vaiaso nei. 

E ui ua aveesea e Saina sā na iai i oloa e pei o laupapa ma isi peitai e foliga e lē o iloga lava ona sologa lelei le va o ia paaga tetele tau fefaataua’iga.

Na faailoa e Chalmers i le ABC sa ia faailoa foi i le minisita a Saina o ia e manao e aveesea sā o loo iai i le taim nei i oloa e pei o le barley, uaina, lobsters ma isi.

Na laga foi e Chalmers le mataupu i tagata Ausetalia e aofia ai le tusitala ma le tagata faasalalau o Cheung Lei ma Yang Hengjun ua loa tausaga o taofia pea e Saina.