E lima ni fale mautotogi ua tatala aloa’ia nei i Urenui o se matāti’a ua patipatia ona o tulaga ua saga una’ia ai ma faamalosia ai sootaga vāvālalata o Maori ma o latou tagatanuu, aemaise o tulaga o le saga una’ia ai o a latou ‘au aiga e galulue agai i le maua ai o a latou lava ia fale; faapea le iai o ia fale i totonu o a latou lava laufanua.
O nei fale na mafai ona fausia ma faatinoina tauala mai le vaega ua faaigoaina o le Ngāti Mutunga, ma e faamauina na o latou faia lea fuafuaga mo ‘au aiga Maori, o tagata e tupuga mai lea ituaiga o tagatanuu Maori.
O se polokalame na tuufaatasi ina ia fesoasoani i aiga Maori e amata sailiili ma aputiputi mo le lumana’i. O le a mafai ona nofo mau totogi ai mo sina taimi poo le 5-7 tausaga le umi ae i le na taimi ua tapenapena e faatau motu so latou lava ia fale.
Ma i le maua ai o so latou lava ia fale motu o le a avanoa ai le fale na iai mo sina taimi mo le isi aiga e sosoo mai auā foi a latou taumafaiga.
O auala e faafaigofie ai i ‘au aiga maori ona maua nofoaga a o fale e aumau ai.
Faamauina o nei fale fou e 30 kiulomita i itu sasae o New Plymouth.
Mo tagata e fia talosaga ma e tatau ona resitala Ka Uruora’s Whānau Saver programme ma ia mae’a lelei le polokalame tau aoaoga i mataupu tau tupe, ina ia mautinoa o loo faaauau pea tulaga o loo agai ai le tepa taula’i o lenei polokalame, o le faauau ai le o le mauaa o tulaga tau seleni ma tulaga o le mafai pea ona umia o ni fale.
Puna o Faamatalaga: https://www.rnz.co.nz/news/national/588511/iwi-opens-houses-to-raise-whanau-at-home
