Ua lipotia mai le mata’utia o manu’aga o se tagata faigaluega na aafia i le taeao analeila i le aai o Ueligitone, ina mau ma omia lea tagata i le va o le loli ma le masini kalone sasa’a otaota poo (truck and skip bin) masalomia a o faatino ai ana galuega i le taeao.
Na faafesoota’i ane leoleo i lea mataupu i Maning Lane poo le ta tonu o le itula e 5 i le taeao analeila mo se fesoasoani, ma na faamaonia mai e se tasi o sooupu a le auaunaga o leoleo, o lea na vave lava ona tali atu sui o faalavelave tutupu faafuase’i i lenei mataupu mata’utia.
Faamanino e le ta’itai sifi a le vaega o faalavelave tutupu faafuasei Fire and Emergency central shift commander Murray Dunbar, na tali atu le latou auaunaga e fesoasoani atu i le taumafai e aveese mai le tagata ua mamau ma omi i le loli la’u otaota, ma i le faasaoina mai ai o lē na faamanu’aliaina o lea na faanatinati atu ai loa o ia i le falema’i mo togafitiga. Lipotia e fai lava si ogaoga ma tūgā manu’aga a lenei tagata.
Ua faailoa atu nei i le faalapotopotoga tumaoti a le malo le WorkSafe i lenei mataupu ma o le a galulue agai iai mo ni sailiiliga.
Ua fautuaina ai le mamalu lautele o tagata o le a faapena ona molimauina le toatele o sui o auaunaga o leoleo ma faalavelave tutupu faafuase’i i le nofoaga na tulai ai le faalavelave auā a latou su’esu’ega.
Puna o Faamatalaga: https://www.nzherald.co.nz/nz/wellington/suspected-rubbish-truck-incident-leaves-wellington-cbd-worker-with-serious-
