O loo sāilia nei e leoleo ni tagata se to’atolu, tuua’ia i le osofa’ia o ni tagata se to’alua i Matangi, o itu lata ane i Hamilton.
Faamatala e leoleo, o ni gaioiga faalēalofa na faia e nei tagata ma ua tatau ai ona taofia.
I ripoti mai leoleo e faapea, na feosoi mai i fafo o se taavale i lona ituaiga o le Ford Falcon lanu uliuli i latou nei o loo tausāilia ma faaoolima i tagata e toalua ua aafia nei, ma e ta’ua e ogaoga lava manu’aga ma o lea na faanatinati atu ai i le falema’i mo togafitiga.
Māua na faatino e i latou e to’atolu nei nisi foi o gaioiga o le faavivili ai o pa’u o taavale poo burnouts i le Marychurch Road poo le itula e 8 i le afiafi o le aaso toonai talu ai a o lumana’i ai le faoogālima i lea lava afiafi.
Na faamaonia mai e sui o le Hato Hone St John e to’alua tagata na iloilo manu’aga i le nofoaga a o le’i auina atu i le falema’i i Waikato
Ua talosagaina ai nei e leoleo soo se tasi lava o silafia i latou o loo i ata ua faaalia ina ia faafesootai atu le ofisa.
Puna o Faamatalaga: https://www.nzherald.co.nz/nz/police-seek-publics-help-to-identify-trio-involved-in-matangi-assault/FSQQIERGJJAGJCRDTXGFC42QHU/
