O le agalelei ma le aao mafola o le malo o Ausetalia mo Samoa e lē o faaitiitia auā ua faailoa e le Minisita o le Va i Fafo a lea malo a o iai i Samoa i lenei vaiaso i lana asiasiga faalemalo, e 20 miliona tālā Samoa o le a fesoasoani ai Ausetalia i polokalame o suiga o le tau i totonu o nuu ma afio’aga aemaise nofoaga e pito sili ona ma’ale’ale aafiaga mai suiga o le tau.
O le masina o Iulai o le tausaga nei pe a amatalia le isi tausaga faaletupe a lea malo, o le a amata faamatuu mai ai lea fesoasoani tupe mo le umi e fā tausaga.
