E faatalitalia e le NZ Warriors e tatau ona avanoa ane le alii o Jazz Tevaga mo le filifiliga o le ‘au pe a mae’a le bye i lenei vaiaso aemaise o le misia o nisi vaega e tele o le taamilosaga ona o manu’aga.
O Tevaga e 27 tausaga ua lipotia e le Newshub na faagata mai lana taalo i le taamilosaga 8 i le mae’a o le faia’ina i le Melbourne Storm lea na faamanu’alia ai peitai la ua faailoa i le mae’a o le misia o taaloga e 11, o le a aofia ai la i le filifiliga o le ‘au mo le isi taaloga e sosoo ai pe a malaga ane le Warriors e fetaui ma le Gold Coast Ttians.
O le isi alii taalo o le Warriors o Te Maire Martin e le o mautu ane se aso e toe agai ane ai i le taaloga ona o manu’aga foi.
